Vidunderleg Vamp
Konserten i Kulturhuset Husnes torsdag syner at Vamp framleis held koken, og nytt, friskt musikarblod i gruppa har slett ikkje vatna ut den typiske stilen for gruppa.
Musikken til Vamp er like varierande som havet dei så ofte syng om. Kraftig og brusande som stormbølgjer, og varsame og roande som skvulp over fjøresteinar. Musikken fyller deg frå topp til tå, og ein kan ikkje unngå å verta bergteken av sam-spelet mellom instrument og stemme. Bruksområda for fele og munnharpe er ἀeire enn eg kunne førestilla meg, og kven skulle tru at nettopp munnharpe og råe gitarsoloar kunne låta så godt saman?