Fullklaff for Vamp-konsert på SJH
Vamp-konserten 13. juli på festplassen på Sogn jord- og hagebruksskule samla nær 600 betalande tilskodarar.
Rammene rundt konserten kunne knapt bli betre. Med eit strålande sommarver og dei eineståande kulissane som både festplassen på Sogn jord- og hagebruksskule og utsikta vidare framover dalen gjev, var grunnlaget på plass for ei minnerik oppleving.
Det er aller første gongen Vamp vitjar Aurland, og dei frammøtte fekk ei fantastisk konsertoppleving. Med seg på konserten hadde dei også Eivør Pálsdottir frå Færøyane, som Øyvind Staveland presenterte som ein miks av engel og hulder (bilete). Vamp baud på ei blanding av både nytt og gamalt, og iblanda nokre av Eivør Pálsdottir sine eigne melodiar, vart det ein strålande konsert. Heilt frå dei opna med 13 humler og Ingeborg, til dei avslutta med ekstranummera Månemannen og den nye Liten Fugl, hadde dei publikum i si hule hand. Mykje tyder på at Liten Fugl vert ein ny hit frå Vamp. Og då Tir n'a Noir vart spelt, med Eivør Pálsdóttir si vakre stemme og færøyisk tekst, rann det nok mang ei tåre blant publikum.
Og me i Nynorske Litteraturdagar seier Tusen takk - både til dei mange frivillige som gjorde konserten muleg, til Røde Kors som velvillig (som alltid) stilte opp - og sjølvsagt til Vamp og Eivør. Me både håpar og trur at de kjem att til Aurland ein gong!
Og me i Nynorske Litteraturdagar seier Tusen takk - både til dei mange frivillige som gjorde konserten muleg, til Røde Kors som velvillig (som alltid) stilte opp - og sjølvsagt til Vamp og Eivør. Me både håpar og trur at de kjem att til Aurland ein gong!