Her starta Vamp-suksessen

Sjå reportasjen frå 1993 – då Vamp var klare med sitt første album.

I år er det 20 år sidan Vamp kom ut med si første plate «Godmorgen, søster». Dette blir feira med turne der dei har fått med seg vokalist, Jan Toft, som slutta i 1998.

Innslaget i Rogaland retro er det første NRK-innslaget som blei laga om haugesundsgruppa, som seinare har gitt ut 13 plater og hausta mykje heider og ære.

Av publikummarane kan ein sjå Bjørn Eidsvåg, som blei svært begeistra av visegruppa. Seinare har han samarbeida med Vamp fleire gonger.