Tjuge år med norsk pophistorie
350 møtte fram for å få med seg jubileumskonserten til Vamp på Granvin kulturhus i Seljord fredagskvelden. Gruppa viste variasjon i programmet frå den nakne balladeforma med tekstar av høg kunstnarleg kvalitet, til god gamaldags bygderock med umiskjennelege folkemusikalske innslag.
Kveldens utgåve av «Månemannen » var ei overrasking der solistinnslag både frå slagverk og fele ga eit lyft til klassikaren. Odin Staveland sin versjon av Kjetil Bjørnstad sin «Sommernatt ved fjorden » blir også trekt fram som eit høgdepunkt. Det var stor stemning i salen, og stort driv både over musikken og sceneshowet til Vamp.
Vamp er eit norsk band frå Haugesund som blei starta på 90-talet. I år markerer dei at det er 20 år sidan debuten som plateartistar. Til nå har dei gjeve ut ni studioalbum, fått ti gullplater, tre platinaplater, to trippelplatina og fem Spellemannprisar.
Kvelden blei avslutta med dans i gamlesalen.